Æмцегдзинад

Æмцегдзинад
Æмцегдзинад – афтæ хуындис сывæллоны (лæппуйы) æцæгæлон бинонтæм хъомыл кæнынмæ раттыны æгъдау. Тынг арæх æмбæлдис цæгат кавказаг хохаг феодалты ‘хсæн. Æмцегдзинады фæрцы-иу хъомылгæнинаджы æмæ хъомылгæнæджы бинонты ‘хсæн равзæрдис æмæ ныффидар хæстæгдзинад, иронау æй хуыдтой æмцег. Æмцегдзинады æгъдауы-иу бацыдысты æппынкъаддæр дыууæ хæдзары бинонтæ, кæцытæ-иу хаудысты алыхуызон социалон къордтæм. Ирон феодалты (æлдæртты æмæ бадилаты) цоты хъомылгæнджытæ-иу уыдысты куыд сæрибар, фæлæ феодалон бегарахæссæг ирон зæхкусджытæ (адæмы хатт, фæрсаг лæг), афтæ сæрибар гуырдзиаг æмæ кæсгон зæхкусджытæ дæр. Ирон феодалтæ сæ цот сыхаг кæмтты цæрæг зæхкусджытæм, хатгай та уæздан лæгтæм хъомыл кæнынмæ дæтгæйæ, сæхæдæг та хъомыл кæнынмæ истой кæсгон феодалты сывæллæтты. Фæлæ-иу уæддæр фæстаг æмцегдзинады æгъдау баст уыдис ирон зæхкусджытимæ, уымæн æмæ, стæмæй фæстæмæ, ирон феодалты хъомылгæнинæгты дзидзийы ‘хсырæй хастой феодалты устытæ нæ, фæлæ сæ дæлбар зæхкусджытæй рацæугæ сылгоймæгтæ, арæхдæр феодалты номыл устытæ, æмæ-иу уæд аразгæ хæстæгдзинад кæрæдзийыл баста æртæ бинонты æмæ-иу сæ хуыдтой Æмцег кæнæ Æмцек. Æмцег – хъомылгæнæг йæ хъомылгæнинаджы æмцеджы кæнæ хъаны ахуыр кодта гæрзарæхстдзинадыл, бæхимæ архайын, йæхи æмæ сыхаг адæмты æгъдæуттыл, ирон æвзагыл (хъомылгæнинаг-иу кæсгон къниазы фырт куы уыдис, уæд), касгон кæнæ гуырдзиаг æвзагыл (кæд æмæ-иу ирон феодалы фырт уыди, уæд). Бæрæг рæстæджы фæстæ-иу (хъомылгæнинагыл-иу 14-16 азы куы сæххæст, уæд) хъомылгæнæг куывд скодта, хъомылгæнинагæн-иу балæвар кодта хæцæнгарз, саргъыбæх, бæрæгбоны дарæс æмæ-иу æй афæндараст кодта йæ ныййарджыты хæдзармæ, уæд-иу хъомылгæнинаджы (хъаны) ныййарджытæ дæр куывд (æмцеджы куывд) скодтой æмæ-иу хъомылгæнæгæн кадджын лæвæрттæ – æмцеджы лæвæрттæ фæкодтой.

Словарь по этнографии и мифологии осетин. 2014.

Игры ⚽ Поможем сделать НИР

Полезное


Смотреть что такое "Æмцегдзинад" в других словарях:

  • Æмцегдзинад – перевод — см. Æмцегдзинад Амцегдзинад – осетинская номинация аталычества – обычая передачи ребенка (обычно мальчика) на воспитание в чужую семью; широко практиковался среди феодальных верхов северокавказских горцев. В результате амцегдзинад между семьями… …   Словарь по этнографии и мифологии осетин

  • æмцегдзинад — з.б.п., нæдтæ …   Орфографический словарь осетинского языка

  • Ирон адæмы этнографи æмæ мифологи — Этнография и мифология осетин АЛФАВИТОН АМОНÆГ Абырджыты æвзаг Авд дзуары Авдæнмæ фидыд Авункулат Агдар Аза бæлас …   Словарь по этнографии и мифологии осетин

  • Æмцег – перевод — см. Æмцег Амцег, амцек (ир.), енцег (диг.) – термин, обозначавший членов семей, объединенных родством в результате обычая Æмцегдзинад, а также само это родство. Термином амцег обозначался и воспитанник, и его воспитатель, и члены их семей по… …   Словарь по этнографии и мифологии осетин

  • Æмцеджы куывд — кæс Æмцегдзинад кæс Ирон адæмы этнографи æмæ мифологи …   Словарь по этнографии и мифологии осетин

  • Æмцеджы лæвар — кæс Æмцегдзинад кæс Ирон адæмы этнографи æмæ мифологи …   Словарь по этнографии и мифологии осетин


Поделиться ссылкой на выделенное

Прямая ссылка:
… Нажмите правой клавишей мыши и выберите «Копировать ссылку»